12:48

May 23, 2025

Jornau deu 23 de mai de 2025

Lenga : la prumèra edicion de la Passem deu Tarn, que’s lançarà uei de Sent-Sulpici-la-Punta, tà rejúnher Albi, sus 230 quilomètres de corruda Sociau : la mobilizacion deus taxis a Pau enqüèra plan seguida, pendent que las prumèras negociacions semblan positivas segon los prumèrs tornars Agricultura : lo tornar d’accions e manifestacions que poiré estar decidit tà la setmana venenta en Biarn e Bigòrra enter autes Agricultura : en Biarn, la Confédération Paysanne que desnoncia lo desengatjament creishent de l’Estat pertocant lo Bio, explics mei dab Yves Pédegert Espòrt : l’Union Bordèu Begla qu’a rendetz-ve dab la soa istòria aqueste dissabte, au parat de la finala de Champions Cup, lo punt dab Silvan Carrère

12:46

May 22, 2025

Jornau deu 22 de mai de 2025

Actualitat sociau : los taxis que son tostemps mobilisats a Pau tà hèr enténer las loas revendicacions Politica : lo socialista Olivier Faure qu’ei de passatge uei a Pau tà sosténguer lo candidat Jerôme Marbot a las eleccions municipaus Ua paja especiau a l’entorn de l’educacion : prumèr los escolans de Vic de Fezensac an draubrit l’edicion 2025 de las jornadas occitanas Jorn en Òc, lo punt dab Emilia Castanhèr Biarn : escolans qu’èran amassats a Auloron aquesta setmana, que’n serà question dab Ludovic Jouanserre E un mot rugbí entà clavar aquesta edicion, dab lo Stado de Tarba de qui pedaça ua equipa de maidors per la sason de qui arriba

12:10

May 21, 2025

Jornau deu 21 de mai de 2025

Sociau : la mobilizacion deus taxis que’s persegueish, a Pau notadament Enviroament : l’auratje de diluns qu’a hèit domaus enas vinhas deu Tursan, enas Lanas Sociau e emplec : qu’evocaram la tematica hèra actuau de las reconversions profesionaus, dab Yves Pédegert Musicas actuaus : còp d’uelh suu disc navèth deu projècte musicau landés Sarralhèr, dab Silvan Carrère Musica tanben : dab ua canta especiau Hèsta de las mairs desvelada per Joan de Nadau Espòrt : l’Eslanç Biarnés cuelhut a casa tà la soa entrada en fasas finaus Espòrt e quasernet negre : dab la mort de l’ancian miei d’obertura de la Seccion Paulina, lo King tahician, Richard Mapuhi Bona escota ! 😉

10:39

May 20, 2025

Jornau deu 20 de Mai de 2025

Sociau : tornar sus la cauma deus taxis. Agricultura : los agricultors mobilizats per la propausicion de lei Duplomb Justícia : tornar sus l’ahar deu cambiament de nom de la carrèra de la «Négresse» a Biàrritz. Economia : los banhs de Salias en Bearn an tornar draubrit asièr Rugbí : lo SUA cambia de gavidaire mentre que lo Biàrritz Olimpic es retrogradat en Nacionala per la Liga Nacionala de Rugbí Eveniment : lo hestenau Hestiv’òc hestejarà los sons 20 ans aqueste estiu.

12:07

May 19, 2025

Jornau deu 19 de mai de 2025.

Actualitat sociau : ua cauma de taxis importanta que poderé blocar uei de coma cau la vila de Pau Educacion : Pas d’adjunt, pas de rentrada. Qu’ei l’eslogan davant lo collègi Jean Sarrailh de Monenh, contra la suppresion de l’emplec de Principau Adjunt. Que’n serà question dab Tristan Faubet Economia : Com tot an, los panisssèrs que hestejèn divés passat,(lo 16 de mai) lo Sent Onorat, que’n parlaram dab Yves Pédegert E la nosta paja esportiva coma cada diluns dab Basket Landes en basquet feminin sacrat champion de França ; Rugbí : la Seccion Paulina tostemps ena corruda tà qualificar-se après la soa victòria a casa contra Tolon.

12:26

May 16, 2025

Jornau deu 16 de mai de 2025

Enviroament : après los aigats de dimèrcs, la comuna de La Seuva que va demandar l’estat de catastròfa naturau, e las Lanas qu’an coneishut un episòdi de tempeirada dijaus Santat : la mobilizacion que contunha a l’espitau psiquiatric d’Aush, tà desnonciar la manca de personau e de mejans Cultura : la dimenjada que serà hèra cargada peus amorós de la cultura gascona dab esveniments a fanegas en Bigòrra Quate Vaths e en Gèrs, lo punt dab Silvan Carrère Cultura : tanben mes en Biarn, dab duas autas ideas de sortidas, l’ua en canta a Gan, e que’n parlaram dab Yves Pédegert, e l’auta a Pau a l’entorn deu conte Espòrt : en basquet dab la darrèra partida de la finala en liga femenina, entre Tarba e Basket Lanas, e en rugbí dab la recepcion de Tolon per la Seccion Paulina entà saunejar enqüèra a ua qualificacion

12:26

May 15, 2025

Jornau deu 15 de mai de 2025

Politica : François Bayrou que passè gèr en audicion davant la commission parlamentaria dedicada a l’ahar de Betharram Enviroament : la periclada que toquè un còp de mes lo Biarn aqueste dimèrs Musicas actuaus en Marquisat : còp d’uelh dab Ludovic Jouanserre suu grop deu Vascoat Kalakan de qui jogarà aqueste divés ser ena glèisa de Benac a ushets tancats Esveniment : Lo Musée du Paysan Gascon de Tojosa, en Gèrs, que perpausa aqueste dissabte ser, mustra e concert au parat de la Nuit Européenne des Musées Basquet feminin : e que calerà esperar divés tà coneisher lo nom deu club champion de França entre lo TGB de Tarba e Basket Landes

11:33

May 15, 2025

Jornau deu 14 de mai de 2025

Lengas e politica : lo collectiu Pour que Vivent Nos Langues qu’enviè un corrièr a Francois Bayrou pertocant la formacion deus ensenhaires Santat : lo projècte de lei sus la fin de vita que torna a l’assemblada nacionau dab ua version Bayrou e ua partida dedicada aus suenhs palliatius e l’auta a l’ajuda a morir. Precisions dab Yves Pédegert Santat e societat : l’operacion Dix Jours Sans Ecran que comença uei dab escòlas investidas en Biarn e Bigòrra, lo punt dab Silvan Carrère Basquet femenin : dusau partida de la finau de liga feminina LFB. Tarba que poirè ganhar lo titol dens las Lanas a mensh de véder Basket Lanas egalizar Basquet masculin : L’Eslanç Biarnes qu’acaba la sason regulara de Pro B dab ua victòria, e qu’afrontarà ASA en fasa finaus

10:58

May 14, 2025

Jornau deu 13 de mai de 2025

Societat : la commission parlementaria que contunha doman tà esclarir punts a l’entorn de l’ahar de Betharram dab l’audicion de François Bayrou Societat : que parlaram deus 80 ans deu dret de vòte de las hemnas dab Yves Pédegert Santat : ua cauma ilimitada que’s teng actuaument a l’espitau psiquiatric d’Aush Cultura : obertura oficiau de la 7au edicion de la setmana occitana de la mediatèca de Monenh, que’n parlam dab Mapy Massoué. Tristan Faubet Rugbí : dab Agen de qui apresta la soa operacion manteniment de divés contra lo Mont en ProD2

10:27

May 12, 2025

Jornau deu 12 de mai de 2025

Enviroament : la grelada qu’a enqüera provocat domaus en Gasconha aquesta dimenjada Eveniment : La Passem Tarn se debanarà los 23 e 24 de mai e recruta animators occitanofònes Cultura : còp d’aviada de las escalas de Primtemps aqueste dimars passat a Tarba, Yves Pédegert qu’èra sus plaça E coma cada diluns la nosta paja esportiva, en basquet feminin, lo TGB de Tarba tostemps ena corruda tà gahar lo títol de championa de França E en rugbí Pau que torna a saunejar d’ua qualificacion après la soa victòria a l’exterior a Lyon dissabte.

10:45

May 7, 2025

Jornau deu 7 de mai de 2025

Sociau : l’ARS d’Occitània hè un punt suu conflicte sociau que pertòca l’Establiment Public de Santat de Lomanha Justícia : lo Tribunau Correccionau de Foish a rendut lo son verdicte dins l’ahar de la mòrt de l’orsa Carmelles Seguretat : l’Estat renoncia a l’installacion d’una basa de Canadairs dins las Lanas Memòria : Alain Abadie apresta la pareishuda d’un libe que conta l’istòria deu son pair, presonèr pendent la Segonda Guèrra Mondiala Corsa landesa : los corsaires rendràn aumenatge au ganadero Jean-Louis Deyries dissabte ser dins las arènas deu Haget en Lanas Eveniment : lo hestenau Tarba en Canta començarà dins un mes

11:50

May 6, 2025

Jornau deu 6 de Mai de 2025

Santat : es auèi que los debats parlementaris tornan prénguer pertocant lo projècte de lei sus l’installacion deus mètges. Tempèris : la vigiléncia jauna peus aigats es levada en Gèrs. Agricultura : los vinhairons independents deu Jurançon an presentat las loars doléncias au prefècte de Pireneas-Atlanticas. Justícia : es auèi que lo Tribunau Correccionau de Foish balharà lo verdicte dins l’ahar deu tir mortau contra l’orsa Carmelles. Seguretat : Mourencs en Bearn serà anuèit lo teatre d’un exercici de seguretat e de secors deus bèths. Eveniment : la corruda @encaminperlalenga traucarà lo despartament de Tarn-e-Garona aqueste dissabte.

9:02

May 5, 2025

Jornau deu 5 de mai de 2025.

Enviroament : la Gasconha victima enqüera un còp de la tempèsta aquesta dimenjada Transpòrts : perturbacions que son a prevénguer a la SNCF aquesta setmana au nivèu regionau Societat : que parlaram de las comemoracions deu 8 de mai dab Yves Pédegert Sense desbrembar la nosta paja esportiva en basquet feminin, Lo TGB de Tarba e Basket Landes que’s van arretrobar en finala deu championat Rugbí : Bècla-Bordèu que’s paga un tiquet per la finala de la copa d’Euròpa après la soa victòria contra Tolosa.

8:28

Apr 30, 2025

Jornau deu 30 d'abriu de 2025

Societat : la Congregacion deus Pairs de Nosta Dauna de Betharram que hica en venta bens tà anticipar lo finançament de las indemnitats de las victimas Transpòrts e politica : l’avénguer de la linha de trin Aush-Tolosa qu’ei tostemps escur Musicas actuaus : l’associacion La Talvera que sòrt de paréisher un libe navèth a l’entorn deus instruments tradicionaus Rugbí : l’ancian president deu Stadò de Tarba que va investir au club de rugbí d’Aush Bona escota !

10:44

Apr 29, 2025

Jornau deu dimars 29 d'abriu de 2025

Santat : la cauma deus mètges se persegueish, cabinets son barrats a noste mentre que manifestan a Bordèu. Transpòrts : un bilhet de transpòrt especifica serà necessari per hèr dintrar la bicicleta dins los trens en Navèra-Aquitània. Civisme : una formacion de porta-bandièra reservada aus joens en Gèrs. Religion : lo conclava per elegir lo papa navèth se reunirà lo 7 de mai. Eveniments : documentaris suus aulhèrs e bal dambe Trencadit, au programa de la tradicionala serada deu 30 d’abriu organizada per l’Esquireta a Lescar e uelhada sus la hèira d’Auloron en Bearn, que’s tendrà aqueste dijaus. Bona escota a totas e tots !

11:44

Apr 28, 2025

Jornau deu diluns 28 d'abriu de 2025

Politica : mobilizacion (quasi) generau a l’esquèrra en Pirenèus-Atlantics. Lo punt dab YP Lenga e educacion : enquera quauques dias tà ajudar l’associacion bigordana Parlem, en dificultat financèra Educacion : l’amalgama entre passat e present a Beth arram que chepica los sindicats ensenhants catolics Cultura e lengas de França : Anne Etchegoyen e Patxi Garat que convidan Francis Cabrel, Sylvain Duthu e autes artistas tà balhar votz a las lengas minorizadas dens un disc a viéner Espòrt : corta deshèita de las francesas au Tornei de las 6 nacions, lo bonus defensiu de la Seccion Paulina a Anoeta e lo manteniment oficiau deu Pau FC en liga Dusau

11:39

Apr 25, 2025

Jornau deu 25 d'abriu de 2025

Adishatz a totas e tots, aquiu lo jornau de la redaccion de Ràdio País deu divés 25 d’abriu de 2025 : Agricultura : lo vutre (vautour en francés) que chepica los eslhevaires, dab atacas hèra violentas en montanha Agricultura : lo tornar deu lop e de las soas atacas, que’n parlam dab dab Marcel Toulet, ancian caçaire Justícia e inspirat peu procuraire de Baiona, lo ministre de la Justícia Gérald Darmanin que vòu generalizar la sasida deus telefònes aus consumators e aus venedors de dròga Cultura e lo concors d’afica de la Hèsta deus aulhèrs d’Aràmits arrelançat Espòrt : entre XV de França femenin, Baiona-Pau, e drin de basquèt

8:20

Apr 24, 2025

Jornau deu 24 d'abriu de 2025

Adishatz monde, bon dijaus, arretrobatz aquiu lo jornau deu 24 d’abriu de 2025 Agrivoltaïsme : los agricultors se chepican d’un navèth arrestat pertocant l’installacion de panèus fotovoltaïcs suus teulats de bastiments agricòles Telecomunicacions : lo projècte d’installacion d’una antèna de telefonia mobila a Laroenh en Bearn es suu punt de’s concludir Torisme : en Val d’Aspa on ensaja solucion per limitar l’accès au lac deu Montanhon e lutar contra lo sustorisme Pesca : la Federacion de Pesca de las Hautas Pireneas es a deféner la pesca au viu dins las Pireneas Solidaritat : lo don de la sang es tanben un eveniment gastronomic a Tarba

8:09

Apr 23, 2025

Jornau deu 23 d'abriu de 2025

Adishatz a totas ea tots ! Bona jornada, arretrobatz aquiu lo jornau deu dimèrcs 23 d’abriu de 2025 Transpòrts : l’avénguer de la linha de tren entre Aush e Tolosa chepica los usatgièrs Enviroament : es l’ora de trapar los brossalons asiatics Politica : Gilles Clavreul, lo navèth Prefècte de Lanas s’es installat asièr Hèitas divèrsas : la gendarmeria de Tarba a aviat una crida a testimònis dins l’ahar de las violéncias e deus abús sexuaus a Nosta Dauna de Garaison Cultura : lo hestenau Welcome in Tziganie se tendrà aquesta dimenjada e Gèrs

11:52

Apr 22, 2025

Jornau deu 22 d'abriu de 2025

Adishatz a totas ea tots, Arretrobatz aquiu lo jornau deu dimars 22 d’abriu de 2025 Religion : dab la mort en aqueste diluns de Pascas, deu papa François, a l’atge de 88 ans Justícia : la comission independenta d’enquèsta sus las violéncias sexuaus e fisicas a Notre-Dame-de-Bètharram fin finau creada Enviroament : 5 departaments de Navèra-Aquitània tocats peus aigats Cultura : tornar sus la 19au edicion deu Primtemps de l’Arribèra e los moments dedicats aus mainatges, dab Yves Pédegert Espòrt : la Seccion Paulina batuda a casa per l’UBB, que s’esluenha deus sauneis de fasis finalas, pendent qu’autes clubs locaus son en plea borra